Астрономски феномени во 2025 година: Од смешковци на небото до големи затемнувања
2025 година носи спектакуларни астрономски настани кои ќе ги воодушеват љубителите на вселената и ноќното небо. Од ретки затемнувања, метеорски дождови, до специјално небесно „смајли“.
Еден од најубавите астрономски феномени во годината не очекува на 25-ти април.
Во раните утрински часови, тенката полумесечина на Месечината што опаѓа ќе се усогласи со Венера и Сатурн, формирајќи формација што наликува на насмеано лице.
Месечината ќе ја претставува „устата“, додека Венера и Сатурн ќе ги формираат „очите“ на оваа небесна насмевка. Оваа глетка ќе биде видлива со голо око, а најдобриот поглед на неа ќе биде 20-тина минути пред зори, гледајќи кон хоризонтот исток-југоисток.
Покрај оваа необична глетка, 2025 година носи и голем број други фасцинантни астрономски настани.
Во март ќе доживееме две големи затемнувања – целосно затемнување на Месечината ноќта на 13 и 14 март и делумно затемнување на Сонцето на 29 март, видливо во делови од Европа, Северна Америка и Африка.
Во март и ноември се случува уште еден редок феномен – исчезнувањето на прстените на Сатурн. Поради специфичното навалување на планетата, прстените привремено ќе станат невидливи од перспектива на Земјата.
Летните месеци носат спектакуларни небесни феномени, вклучувајќи го спојувањето на Венера и Јупитер на 11-ти и 12-ти август и метеорскиот дожд Персеиди, кој ќе го достигне врвот на 12-ти и 13-ти август.
Есента ќе одбележи уште едно целосно затемнување на Месечината, на 7-ми и 8-ми септември, а делумно затемнување на Сонцето на 21 септември.
Покрај тоа, три последователни месеци, октомври, ноември и декември, ќе донесат супермесечина, кога Месечината ќе изгледа поголема и посветла од вообичаеното.
Крајот на годината е резервиран за метеорскиот дожд Геминиди, кој на 14 декември ќе донесе до 160 метеори на час.
За секој што сака да биде сведок на овие спектакли, се препорачува да бара локации со минимално светлосно загадување и да користи астрономски апликации за да го следи времето и положбата на овие настани.
