Барселона падна на третата позиција: Реал рутински ја победи Севиља

Фудбалерите на Реал ја совладаа Севиља во 18. коло од Ла Лига со резултат 4:2.

Реал подобро го отвори натпреварот и за нешто повеќе од половина час постигна три гола. Килијан Мбапе, Федерико Валверде и Родриго погодија по ред.

Веднаш по третиот гол, Севиља намали преку Исак Ромеро.

Сепак, сите дилеми околу победникот ги разреши Брахим Дијаз на почетокот на вториот дел.

После тоа Реал заигра поопуштено и го приведе натпреварот до крајот, а Севиља до крајот успеа само да го намали водството преку Лукебаки.

По оваа победа Реал ја прескокна Барселона и ја зазеде втората позиција. Има бод помалку од водечкиот Атлетико, додека Барселона има два бода помалку, но и натпревар повеќе.