Бајден го брани нападот на Израел врз болницата во Газа, го обвинува Хамас

Американскиот претседател Џо Бајден во средата се обиде да го одбрани нападот на Израел врз болницата Ал-Шифа во Газа, тврдејќи дека палестинската група Хамас ја користи болницата како нивно „седиште“.

„Имате околност кога првото воено злосторство го изврши Хамас со тоа што нивниот штаб, нивната војска се скриени под болница. И тоа е факт, тоа е она што се случи“, рече Бајден за време на прес-конференцијата по средбата со кинескиот претседател Си Џинпинг во Сан Франциско.

Бранејќи ги акциите на Израел, кој досега не можеше да докаже дека најголемата болница во Газа била „штаб“, тој рече дека Израел не влегол со голем број војници и не извршил „рација“.

Запрашан каков вид докази имаат САД за нивните тврдења за Хамас, тој одби да навлегува во какви било детали.

„Имате околност кога, знаете, има прилично голем број терористи на Хамас. Хамас веќе кажа јавно дека планира повторно да го нападне Израел, како што правеа порано, сечење на главите на бебињата за да запалат живи жени и деца, рече Бајден, повторувајќи лага за злосторството со доенчињата од кое дури и Белата куќа се огради.

Претседателот додаде дека се надева, но не многу, дека преговорите за ослободување на околу 240 заложници што ги држи Хамас ќе дадат резултати.

„Што се однесува до тоа кога израелската операција во Газа ќе престане? Мислам дека ќе престане кога Хамас веќе нема да го задржи капацитетот да убива и злоупотребува и само да им прави ужасни работи на Израелците“, додаде тој.