БЕЗ ‘ВАЛКАНИ’ РАЦЕ: Течно тесто за пица кое може да се направи за само 5 минути (Видео)
Тестото има мека и малку течна текстура, а можете да го направите за само пет минути. Не мора ни да ги валкате рацете.
Кога сакате пица , а немате многу време да го подготвите тестото – ова е совршен рецепт.
Тестото има мека и малку течна текстура, а можете да го направите за само пет минути. Не мора ни да ги валкате рацете – најлесниот начин да го измешате тестото е со лажица.
Тестото се става во претходно намрсен и набрашнет калап со пречник од околу 28 сантиметри или се дели на два помали калапчиња.
Тестото се пече заедно со сос од домати , потоа се додаваат состојките по желба и се заедно се враќа во рерна.
Состојки за пица од течно тесто:
- 250 гр брашно
- 250 гр вода на собна температура
- 8 g инстант сув пекарски квасец
- 1 лажица екстра девствено маслиново масло
- 1 лажичка шеќер
- 1 лажичка сол
- сос од домати
- рендано сирење по желба
- суво оригано и свеж босилек
- масло
Подготовка:
- Истурете вода на собна температура и маслиново масло во голем сад. Додадете сол, шеќер, брашно и инстант квасец и сè убаво измешајте со лажица за да добиете еднолична смеса. Тестото треба да има леплива, мека и малку течна текстура.
- Тестото префрлете го во калап за печење кој претходно добро сте го подмачкале и сте го посипале со брашно.
- Над тестото додадете сос од домати и сув босилек.
- Тестото се пече во загреана рерна околу 15 до 20 минути на 220 Целзиусови степени.
- Извадете го тестото од рерна, одозгора додајте рендано сирење и другите посакувани филови и вратете го во рерна уште 10 до 15 минути.
- Послужете ја пицата топла. Добар апетит!
Целиот процес на подготовка на пица со течно тесто погледнете го подолу, во видеото на каналот на YouTube Tutti a Tavola .
