Белата куќа официјално потврди: “Новото смртоносно оружје на Украина се распоредува на терен!“

„Касетната муниција испорачана од САД се во рацете на Украина е распоредена на терен“, потврди во четвртокот портпаролот на Белата куќа за национална безбедност, Џон Кирби.

„Имавме првични повратни информации од Украинците и тие го користат доста ефикасно“, рекол Џон Кирби на брифингот со новинарите.

Џон Кирби кажал дека касетната муниција влијае на руските одбранбени формации и маневрирање.

За потсетување, Украина вети дека ќе користи касетни бомби само за да ги отстрани концентрациите на руски непријателски војници.

Касетната муниција, која е забранета во повеќе од 100 земји, обично ослободува голем број помали бомби кои можат да убијат на голема површина. Оние што не експлодираат претставуваат опасност со децении.

Украина и Русија досега повеќепати меѓусебно се обвинуваа за употреба на касетни бомби во конфликтот предизвикан од руската инвазија во февруари 2022 година.