БЕНЈАМИН НЕТАНЈАХУ ЗНАЕЛ ШТО СЕ ПОДГОТВУВА !? Висок разузнавач два пати го предупредил што се случува, а тој не направил ништо ?

Висок израелски разузнавач двапати годинава го предупредил премиерот Бенјамин Нетанјаху дека внатрешната тензија поради спорните судски реформи ги охрабрува Иран, либанскиот Хезболах и палестинскиот Хамас потенцијално да преземат воена акција против еврејската држава, пишува денес израелскиот весник Haaretz.

Бригадниот генерал Амит Сар, кој го предводи одделот за истрага за воено разузнавање, најпрво го предупредил Бенјамин Нетанјаху на 19. март, седум дена пред парламентот да усвои реформски нацрт-закон и премиерот да го отпушти министерот за одбрана Јоав Галант и повика на прекин на спроведувањето на планот.

Второто писмо, наводно, било испратено во средината на јули, пред парламентот да усвои закон со кој се намалуваат овластувањата на судот да ги поништи владините одлуки што ги смета за неразумни.

Во првото писмо, Амит Сар оценил дека сите играчи во безбедносниот систем забележуваат дека Израел се наоѓа во сериозна и невидена криза што ја загрозува неговата кохезија и го ослабува.

„За нашите главни непријатели – Иран, Хезболах и Хамас – таа слабост е израз на линеарен процес кој завршува со колапс на Израел и сегашната ситуација е можност да се забрзаат и продлабочат неговите проблеми“, додал разузнавачот во првото писмо.

Амит Сар, исто така, наводно предупредил дека политичките поделби во Израел ја наведуваат земјата да се обиде да се воздржи од безбедносна ескалација и да дозволи ризиците против него да растат.

Десетици илјади Израелци протестираа против реформите со месеци, а армиските резервисти предупредуваат дека нема да одговорат на повиците за должност доколку не се прекине планот на екстремно десничарската Влада.