Заменикот на претседателот на Владата на Република Северна Македонија задолжен за економски прашања, координација на економските ресори и инвестиции, Фатмир Битиќи и амбасадорката на САД, Анџела Агелер, денеска оствариле средба со претставници на Евро–Атлантскиот Совет на Северна Македонија.
– Полноправното членство на Северна Македонија во НАТО, обезбеди сигурност и стабилност, кои се основните предуслови за економски раст и развој на земјата, притоа овозможувајќи предвидлив амбиент за трговија и инвестиции, било заеднички констатирано на средбата, стои во соопштението од владината прес-служба.
![Битиќи и Агелер Евро–Атлантскиот Совет на Северна Македонија 1](https://mia.mk/articles/images/%D0%B1%D0%B8%D1%82%D0%B8%D1%9C%D0%B8%D0%B0%D0%BC%D0%B1%D0%B0%D1%81%D0%B0%D0%B4%D0%BE%D1%80%D0%BA%D0%B0%D1%82%D0%B0%D0%BD%D0%B0%D1%81%D0%B0%D0%B4%D0%B0%D0%B3%D0%B5%D0%BB%D0%B5%D1%80%D0%BD%D0%B5%D0%BE%D0%BF%D1%85%D0%BE%D0%B4%D0%BD%D0%BE%D0%B5%D0%B4%D1%80%D0%B6%D0%B0%D0%B2%D0%B0%D1%82%D0%B0%D0%B4%D0%B0%D0%B3%D0%BE%D0%B7%D0%B0%D0%B4%D1%80%D0%B6%D0%B8%D0%B5rpquq/ZkWZG1yMG/large.webp?use_watermark=0)
Во контекст на евроинтегративните процеси на земјата заеднички било оценето и дека членството во НАТО игра клучна улога, покажувајќи посветеност на земјата кон демократските вредности, стабилноста и меѓународната соработка, што е од суштинско значење за полноправното членство во ЕУ.
– Се афирмираше и ставот дека е неопходно Северна Македонија да го задржи европскиот стратешки правец, како единствен кој промовира мир и води кон просперитет на целокупното општеството, соопшти владината прес-служба.