БОМБАСТИЧНА НАЈАВА ОД ШПАНИЈА – Лука Модриќ постави ултиматум: “Реал Мадрид е нервозен, знае дека не блефира“
Лука Модриќ оваа сезона забележа девет настапи за Реал Мадрид и забележа вкупно 391 минута или 43,4 минути во просек по натпревар. Тоа е минутажа на која хрватскиот фудбалер не е навикнат во „Кралскиот клуб“, а шпанските медиуми пишуваат за можна промена на средината.
Новинарот Алехандро Алказар анализираше дали неговиот нов статус, во кој често ја започнува играта од клупата, ќе го натера да го смени клубот, а притоа објави и некои досега непознати информации.
„Лука Модриќ побара, доколку клубот му го продолжи договорот, тоа да биде поради неговите заслуги, а не како награда за неговата долга кариера. Карло Анчелоти го уверуваше дека ќе ја задржи улогата, но на прв поглед Хрватот се најде во инфериорна улога“, се вели во текстот, каде што се наведува дека Лука Модриќ во новата улога бил вовлечен до својата 38-та година од животот.
„Оваа ситуација го вознемири Лука Модриќ, кој размислува да продолжи во Мадрид или да замине во јануари, иако Карло Анчелоти го тврди спротивното. Во Реал Мадрид веруваат дека ќе ја заврши преостанатата година од договорот, но знаат дека не е среќен. Играч на неговата харизма, конкурентен, кој чувствува дека може многу да придонесе за тимот, може оправдано да биде фрустриран што не игра“, се вели во анализата.
Со оглед на доаѓањето на млади, потентни играчи од средниот ред во Реал Мадирд, улогата на Лука Модриќ сега е и менторство на идните ѕвезди.
„Лука Модриќ се сомнева дека неговата приказна за остатокот од сезоната е веќе напишана, дека ќе игра помалку и дека неговата улога ќе биде да ги учи своите замени“, тврди Алехандро Алказар.
Во текстот се наведува дека во Реал Мадрид се нервозни бидејќи нивната „десетка“ секогаш зборува јасно, без блефирање, а тој веќе покажа одредено незадоволство во своите изјави.
„Ова е нова ситуација за мене. Вистина е дека не играм како порано, ниту колку што би сакал. Секогаш сакам да играм, не сакам паузи или одмори“, се пренесува изјавата на Лука Модриќ.
