Бомба! Ерлинг Халанд го потпиша најголемиот договор во историјата на фудбалот, но не и со Манчестер Сити
Норвежанецот стана заштитно лице на американскиот спортски бренд, кој не штедеше пари за да го доведе во своето семејство.
Ерлинг Халанд е новиот амбасадор на брендот Најк! Американскиот спортски бренд плати неверојатни 227 милиони евра за десет години да го обезбеди Норвежанецот како свое лице.
Халанд моментално е еден од најдобрите напаѓачи во светот, а има 22 години и нема сомнеж дека ќе ја одбележи следната фудбалска деценија, а Најк не штедеше пари за обезбедување на една од најголемите ѕвезди на светскиот фудбал како нејзина амбасадор на бренд.
Договорот што Халанд го потпиша со Најк е најголемиот во историјата на фудбалот кога станува збор за еден спонзорски договор. Тој ќе добива неверојатни 22,7 милиони евра годишно за носење копачки на Најк.
Кога на тоа ќе се додаде дека Халанд заработува 426.000 евра неделно во Манчестер Сити, неговата банкарска сметка вртоглаво ќе порасне во наредните години, а со други спонзорства таа ќе биде близу милијарди.
Со своите голгетерски фигури ја одбележа не само сегашноста, туку и иднината на фудбалот. Тој е наследник на првите девет и напаѓач на новата генерација – напиша Најк за Халанд во претставувањето на оваа бомбастична вест.
Да потсетиме дека Халанд соработуваше со Најк, кој го спонзорираше кога имаше 14 години. Но, тој лани не го продолжи договорот, а потоа играше во копачките на Пума и Адидас, а сега повторно се обврза долгорочно со Најк.
Американскиот гигант за спортска опрема во своето семејство има и други големи фудбалски ѕвезди како Килијан Мбапе, Кристијано Роналдо, Маркус Рашфорд, Хари Кејн и Кевин де Брујн.
