Бостон на чекор до историја

Кошаркарите на Бостон изборија „мајсторка“ во финалето на Источната конференција во НБА лигата, совладувајќи го синоќа во шестиот натпревар Мајами со 104-103 на гостински терен, а победничкиот кош со звукот на сирената го постигна Дерик Вајт.

Кошаркарите на Бостон изборија „мајсторка“ во финалето на Источната конференција во НБА лигата, совладувајќи го синоќа во шестиот натпревар Мајами со 104-103 на гостински терен, а победничкиот кош со звукот на сирената го постигна Дерик Вајт.

Бостон израмни во серијата на 3-3 и во седмиот натпревар пред своите гледачи ќе има шанса да стане прва екипа во историјата на НБА лигата која победила во плејоф серијата по негатива од 0-3.

Покрај Вајт, голема заслуга за триумфот на Бостон имаа и Џејсон Тејтум со 31 и Џајлен Браун со 26 поени, иако обајцата не успеаја да погодат ниту една тројка од 12 обиди.

Решавачкиот седми натпревар е на програмата во Бостон во ноќта меѓу понеделник и вторник во 02:30 часот по средноевропско време.

Победникот ќе игра во големото финале за шампионската титула против Денвер.