Браќа од Солун починаа во рок од шест часа: Постариот им подлегна на повредите од несреќата, а на помладиот му препукна срцето од болка
Постариот брат Теодорис имаше сообраќајна несреќа со мотор.
Двајца браќа, на возраст од 38 и 32 години, починале за шест часа еден од друг, откако постариот од нив им подлегнал на повредите по неколкудневна борба за живот. Според грчките медиуми, откако дознал што се случило со неговиот брат, помладиот доживеал срцев удар , поради што и самиот починал.
Невидена трагедија се случи во Солун, кога Теодорис (38) и неговиот помал брат (32) загинаа на само шест часа разлика. Постариот брат доживеал сообраќајна незгода додека управувал мотор, по што неколку дена бил во болница на лекување.
Починал со разлика од шест часа
Откако бил префрлен на рехабилитација, на Теодорис ненадејно му се слошило, а само ден и пол подоцна, на 9 јуни, починал поради белодробна емболија . Претходно истиот ден лекарот му се јавил на помалиот брат и го известил за влошување на неговата здравствена состојба. Но, трагедијата за таткото Георгос не заврши тука. Штом дознал дека останал без едниот син, по шест часа починал и другиот од миокарден инфаркт .
„Две мои деца заминаа со шест часа разлика. Постариот имаше сообраќајна несреќа со моторот и по некое време си замина. А другото не ја издржа болката. Беше вознемирен, многу тажен и неговото срце не издржи. И јас ја изгубив сопругата од рак пред 28 години и сега сум сам. Тие момци ми беа поддршка. Јас немам никој. Само брат ми остана. Што да кажам. Децата ми беа се. Немаа здравствени проблеми. Не ми се верува“, изјави тој шокирано.
Тој беше скршен од тага за неговиот брат
За грчките медиуми зборуваше и вујкото на младиот човек Васили, кој изјави дека браќата биле многу блиски.
„Делиа голема љубов и слабост еден кон друг. Беа многу љубезни деца, душевени. Секогаш во се беа еден покрај друг. Постариот во сообраќајна несреќа ја скрши ногата, десет дена остана во болница, операции му биле изведени на нозете и бил префрлен во центар за рехабилитација. Починал од белодробна емболија еден ден по транспортот.
Го извадиле брат му од центарот за рехабилитација и го повикале помладиот да дојде и му рекле дека починал. Се налутил, се изнервирал и на пријателите кои биле со него им рекол дека му се свртило и паднал. Дошла брза помош, се обидела да го реанимира и го однела во болница. Но по пат не издржа и си замина. Тие не можеа да живеат еден без друг“, рече тој, измачуван од болка.
Официјална причина за смртта на браќата
Причина за смртта на 38-годишниот е белодробна емболија, според неговата потврда за смрт. Шест часа подоцна, 32-годишникот починал и од миокарден инфаркт – како што е експлицитно наведено во потврдата за смрт: Неодамнешен миокарден инфаркт – тромбоза на десната коронарна артерија, пишува грчкиот портал Protothema.gr .
