БРОД НА ИЗРАЕЛСКИ МИЛИОНЕР НАПАДНАТ СО ДРОН: Нов инцидент на сред океан, одекнала експлозија, трагата води до СТАРИТЕ НЕПРИЈАТЕЛИ

Товарен брод во сопственост на израелски милијардер наводно бил нападнат од иранско беспилотно летало во Индискиот Океан , според американски воен претставник, како што објави АП.

Нападот на контејнерскиот брод CMA CGM Simi доаѓа во време кога израелските бродови се мета по неколкунеделна војна која се заканува да ескалира во поширок регионален конфликт.

Претставник на одбраната, кој разговараше со новинарите под услов да остане анонимен, рече дека се сомнева дека бродот под малтешко знаме бил цел на дронот Шахид-136 во петокот додека бил во меѓународни води.

Дронот наводно експлодирал, предизвикувајќи штета на бродот, но не повредувајќи ниту еден од неговиот екипаж.

– Продолжуваме внимателно да ја следиме ситуацијата – вели американски воен претставник кој не сакаше да каже зошто Пентагон смета дека Иран стои зад нападот.

CMA CGM со седиште во Марсеј не го коментираше наводниот напад.

Според АП, екипажот на бродот се однесувал како да верува дека е под закана.

АП соопшти дека на бродот му бил исклучен системот за следење откако го напуштил пристаништето Џебел Али во Дубаи во вторникот. Бродовите вообичаено треба да ја одржуваат својата AIS активна од безбедносни причини, но екипажите ќе ја исклучат ако се чини дека можеби се цел. Екипажот го направи истото порано кога минуваше низ Црвеното Море во близина на Јемен, чии брегови се под контрола на Хутите.

Неодамна, брод поврзан со израелски милијардер бил киднапиран додека минувал во близина на Јемен.