Брутално убиство и самоубиство во Хрватска! Сопругот ѝ пресудил на сопругата додека ќерката (21) била во куќата! Соседите вознемирени: „Малку беа повлечени, но никој не се посомнева на ова“ (фото)

,,Сопругата беше пољубезна, знаеше да разговара или да дојде кога ќе им требаше нешто, а тој не беше многу друштвен“, велат соседите по страшното убиство во Лепоглава, Хрватска и додаваат дека тој не бил во добра здравствена состојба и не работел, па затоа тој само ја обработувал градината дома.

,,Шокирани сме, не можеме да веруваме дека вакво нешто може да се случи кај нас. Син ми ми рече дека полицијата била кај нив, немавме поим дека имало пукање или нешто слично. Ништо не слушнавме, сè уште сме во шок, за српскиот портал Курир изјавија соседите на З.Б.(53) кој вчера со пиштол си ја уби сопругата Д.Б.(47) и себеси во Доња Вишњица.

Во куќата била и помалата ќерка (21) која во моментот на пукањето побегнала. Соседите велат дека пред кобниот момент не слушнале кавга.

– ,,Ова е мало место, сите се познаваме, и сме во роднинска врска. Со нив никогаш немало проблем. Беа малку поповлечени, баш и не се дружеа со другите во градот. Кога се видовме, се поздравивме и тоа беше тоа. Сопругата беше пољубезна, знаеше да разговара или да дојде кога ќе им треба нешто, додека тој не беше многу друштвен. Пред извесно време се разболел и не работел, освен градината. Сопругата работела во Лепоглава” – велат соседите.

 Парот имал две ќерки, од кои едната живеела со нив, а другата со нејзиното момче. Во близина живее и семејството на човекот кој ја уби сопругата. Таму се неговиот брат и неговото семејство и неговата мајка.

– Трагедија, немаме други зборови. Тој дури и не кажа дека има пиштол. Навистина сме шокирани. Ти велам, не слушнавме ни истрел. Во тој момент го видовме соседот како доаѓа дома и тоа беше тоа. Потоа набрзо ја видовме полицијата. Не можевме ни да сонуваме дека е убиство. Беше нешто построг, но никогаш не слушнавме дека имаат некаков проблем. Живееле нормален живот, имале лозје, кое поради болеста повеќе не можел да го обработува, па работел само во градината, во која сопругата му помагала после работа – велат видно вознемирените соседи.

Вараждинската полиција објави сè:

– Утврдено е дека во средата, на 4 декември, околу 17 часот и 30 минути во Доња Вишњица, извршено е кривично дело тешко убиство на жена, од член 111а од Кривичниот законик, каде 53-годишен маж го убил својата жена – 47-годишна сопруга со огнено оружје. Откако ја убил сопругата, мажот со истото оружје се самоубил во куќата. Телата на починатите се пренесени во Одделот за патологија на Општата болница Вараждин, каде ќе се врши обдукција, информираат од полицијата.