Бугарскиот претседател го навреди Киев: Следеше остра реакција на Украина, а во Софија дојде до раскол во владата

Амбасадата на Украина во Софија во саботата објави дека Киев ги прави сите можни напори да го врати мирот.

Украина го критикуваше бугарскиот претседател Румен Радев за неговите изјави дека Киев е виновен за тековната војна и дека снабдувањето со оружје за Украина само го продолжува конфликтот.

Амбасадата на Украина во Софија во саботата соопшти дека Киев ги прави сите можни напори за да го врати мирот и го отфрли тврдењето на Радев дека снабдувањето со оружје за Украина ја поттикнува и ја продолжува војната.

Амбасадата истакна дека обвинувањето на Украина за војната, што ја направи бугарскиот претседател, е дел од руската пропаганда и хибридна војна во Европа.

Во соопштението на Амбасадата се тврди дека обезбедувањето одбранбена опрема за Украина не доведува до зголемување на бројот на жртвите, туку значи, како што се наведува, дека може да се спасат повеќе животи, пренесе АП.

Радев на новинарите во петокот, за време на прес-конференцијата на која зборуваше за неодамнешниот самит на НАТО, изјави дека сака „јасно да стави до знаење дека Украина инсистира да ја води оваа војна“. Радев посочи дека треба да биде јасно дека цела Европа ја плаќа сметката за тоа.

Бугарскиот премиер Николај Денков во петокот ја обвини Русија и рускиот претседател Владимир Путин за војната во Украина, откако Радев го обвини Киев за конфликтот. Денков рече дека најбрзиот начин да се запре војната во Украина е Путин да ги повика руските трупи да се повлечат од украинските територии.