Бугарски град им плаќа по 1.000 евра за ин витро процедури

Субвенцијата ќе важи за самохрани жени, парови и семејства.

Градот Видин вчера најави покачување на субвенциите за ин витро. Во бугарската општина, локалните власти ќе им помогнат на идните семејства или самохрани мајки во медицинската процедура, нудејќи до 1.000 по кандидат.

Имајќи предвид дека Видин и неговиот околен регион се едни од економски најепресивните делови на Бугарија и се во сериозен демографски пад , локалните власти се трудат се да создадат добра средина за младите родители.

Парите треба да им помогнат на луѓето со преглед и медицинска помош на лица со репродуктивни проблеми, објавија властите на Фејсбук. Документите за субвенцијата кандидатите можат да ги поднесат во Центарот за административна служба кај општината до 28 февруари.

Општинската програма за ин витро за прв пат започна во 2019 година со цел да се стимулира растот на населението во општината. Отворен е за  самохрани жени, семејства или парови. Најпрвин властите обезбедија 500 евра, но во јануари решија да ја удвојат субвенцијата.

Бугарија е најсиромашната земја-членка на ЕУ, но исто така е една од земјите со најбрзо намалување на населението во светот. Според Националниот институт за статистика, населението се намалува за околу 0,6% годишно.

За време на последниот попис во 2011 година, населението беше пресметано на 7,3 милиони, што во 2021 година падна на околу 6,5 милиони и се предвидува дека ќе продолжи со нагло опаѓање. Во исто време, според бугарскиот институт за пазарна економија, Видин е најдепресивниот регион во Бугарија, со малку економски можности и перспективи за работа.

Ова доведе до дефинитивен демографски пад и стареење на населението, при што податоците од Националниот статистички институт тврдат дека половина од населението во регионот е над 50 години . Всушност, само околу 14% од населението е на возраст под 20 години .