ВАКА ПАПАТА ГО ПРОСЛАВИ 87. РОДЕНДЕН: Детска песна и игра, циркуска претстава, па ужина и колач пред молитвата (ФОТО, ВИДЕО)

Папата Франциско денеска наполни 87 години, а роденденот го прослави со околу 200 семејства на церемонијата организирана во Ватикан од детската клиника „Света Марта“, која им дава поддршка на мајките и децата.

Ова го објави италијанската агенција Анса.

Според традицијата, воведена во првата година од неговиот понтификат во 2013 година, прославата вклучуваше песни и танци од деца со кратка циркуска претстава.

Потоа следеше ужина и колач пред молитва и благослов.

Папата Франциско е роден во аргентинската престолнина Буенос Аирес , во семејство со италијански корени.

Поглаварот на Римокатоличката црква, исто така, доби честитки од бројни официјални претставници.

Нему му честитаа и претседателот на Сенатот Игнасио ла Руса, претседателот на Претставничкиот дом Лоренцо Фонтана, како и вицепремиерот и шеф на дипломатијата Антонио Тајани .

На папата му го честитаа роденденот од Епископската конференција на Италија и Римската епархија .