Вакцината против ракот се приближува кон последната фаза на тестирање, еве што досега се знае за неа? Луѓето живеат повеќе од 20 години по третманот!?

Д-р Томас Вагнер, основач на биотехнолошката компанија „Orbis Health Solutions“ и истражувач на ракот, прави се да ја реализира својата животна мисија да најде начин за лекување на оваа болест, но во исто време да можат да се избегнат тешките несакани нус ефекти.

„Многу традиционални третмани за рак, како што е хемотерапијата, функционираат така што ги убиваат клетките на ракот, но ги убиваат и неканцерогените клетки низ телото. Ова може да предизвика низа несакани ефекти, вклучувајќи губење на косата, гадење, повраќање или може да го ослабне имунолошкиот систем на една личност, ставајќи ги во ризик од инфекции опасни по животот“, објасни Вагнер.

Откако беше сведок на пациентите со рак кои страдаат од исцрпувачки несакани ефекти од третманот, Вагнер ја започна својата мисија да развие лек за болеста што ќе ја искористи моќта на имунолошкиот систем на една личност, наместо да го елиминира. Овој третман е развиен како вакцина која сега се проучува со децении, а инјекцијата е целосно персонализирана за секој пациент.

„Луѓето ме прашуваа кога ќе има лек за ракот и јас тоа го работам 60 години и никогаш не сум можел да одговорам на тоа прашање. „До неодамна, до последните три, четири или пет години“, рече Вагнер.

Што е досега познато за вакцината против рак на Вагнер?

Вагнеровата вакцина против рак TLPO е тестирана на стотици пациенти со напредни форми на меланом во втората фаза на клиничките испитувања.

Последните податоци презентирани на академска конференција покажаа дека речиси 95 отсто од луѓето кои примиле само една вакцина биле живи три години по започнувањето на лекувањето, пренесува ABC News.

Најчестите несакани ефекти биле црвенило или болка на местото на инјектирањето, треска и замор по инјектирањето, слично на другите вакцини кои стимулираат имунолошки одговор.

Д-р Вернон Сондак, онколог кој е специјалист за кожни болести во Центарот за рак Мофит, кој не бил вклучен во клиничкото испитување, но кој работел со вакцини за туморски лизати во текот на неговата кариера, изјави за ABC News дека овие резултати се ветувачки, но дека останува да се види во третата фаза на клиничко испитување дали оваа вакцина против ракот навистина ќе ја промени ситуацијата.

Американската Администрација за храна и лекови (ФДА) даде зелено светло за вакцината на Вагнер да започне клиничко испитување во третата фаза. Тоа ќе биде тригодишен потфат со цел да се запишат 500 луѓе и треба да започне оваа година, рече Рајли Полк, претседател на Orbis Health Solutions.

Полк рече дека дека на него лично имало големо влијание успешноста на вакцината, откако ја користел неговиот татко, кој предходно имал повеќе операции на белите дробови поради канцер. Неговиот татко одлучил да ја проба вакцината против рак на Вагнер и живеел уште 10 години пред да умре од нешто што не е поврзано со болеста.

„Можете да ми кажете многу работи, но не можете да ми кажете дека вакцината не делува“, рече Полк.

Финансиските бариери го спречија напредокот на вакцината

Полк рече дека се планира клиничко испитување во третата фаза во вредност од 100 милиони долари. За помалите, приватни компании, обезбедувањето на тоа ниво на финансирање е предизвик за кој Полк рече дека ја ограничува нивната способност да финансираат повеќе клинички испитувања.

Искуства на претходните испитаници

Луѓето во ова испитување мора да имаат ниско или минимално оптоварување со туморот. Првата личност што ја прими оваа вакцина во ова испитување беше Кејти Кинг од Ешвил, Северна Каролина, на која пред шест години и беше дијагностициран рак на јајниците. Кинг рече дека се чувствува одлично по првиот круг третмани, само доживеала црвенило на местото на инјектирање, но нема други несакани ефекти, пренесува VLOS.

Една од тестираните е Мери Керол Аберкромби, а Вагнер верува дека е таа една од најдолго преживеаните пациенти, кај која претходно било дијагностициран меланом во стадиум 4, што е најнапредната форма на болеста.

Непосредно пред Божиќ 2001 година, Аберкромби изјавила за VLOS дека завршила едногодишен третман на рак со „страшни“ несакани ефекти, но кога третманот престанал, нејзиниот рак напредувал. Аберкромби рече дека лекарите ѝ рекле дека има само уште неколку месеци живот, велејќи и „само да ужива во Божиќ“, пренесува WLOS.

Хируршкиот онколог на Аберкромби работеше со Вагнер на вакцина против рак во тоа време.

„Пријавете ме, бидејќи ништо друго не ми преостанува“, му рече Аберкромби, која само се надеваше дека ќе живее доволно долго за да го види својот син како ќе се ожени.

Оттогаш поминаа повеќе од 20 години, а Аберкромби рече дека нејзиниот меланом никогаш не се повторил. Не само што го видела нејзиниот син како се ожени, туку и ги гледала нејзините четири внуци како растат.

Истражувањето може да трае со години

Пред оваа вакцина да стане широко достапна за лекување на луѓе со меланом, таа мора да покаже успех со години во третата фаза на клиничко испитување, а потоа ФДА мора да даде конечно одобрение.

Пред да може широко да се користи, ќе треба да покаже успех во третата фаза, а потоа да се премине на поконкретни клинички испитувања за други индикации кои ќе траат со години и ќе чинат милиони долари, пренесува Klix.ba.