Велика Британија и САД воведоа санкции против руски хакери поради шпионажа: “Тие работат за руската служба за безбедност!“

Велика Британија и САД воведоа санкции за двајца руски хакери поради, како што наведе Министерството за надворешни работи на Велика Британија, долгогодишен, но неуспешен обид за мешање во политиката на руски кибер шпиони.

„Хакерската група, наречена Студена Река (Cold River) од истражители за кибер безбедност, која работи за руската Федерална служба за безбедност (ФСБ) веќе неколку години цели на британски политичари, новинари и непрофитни групи“, соопшти Министерството за надворешни работи на Велика Британија додека рускиот амбасадор бил повикан во врска со ова.

Во јануари оваа година, западни медиуми јавија дека Студена Река е насочен со активности кон три лаборатории за нуклеарни истражувања во САД. Денеска, висок американски функционер потврди дека Студена Река успешно хакирала службеник на Министерството за енергетика.

Москва соопшти дека нема докази за наводите за кампања за дигитална шпионажа.

Групата, која е позната и како „Калисто“ или „Ѕвездена Бура“, првпат го привлече вниманието на разузнавачките специјалисти откако во 2016 година го нападна Министерството за надворешни работи на Велика Британија.