Видео кое направи вистински “бум” на мрежите: Младата Русинка во Белград објаснува зошто Русите не се дружат со Србите

Една од причините е тоа што, вели Аљона, дека луѓето можеби малку знаат англиски и воопшто не зборуваат српски

Аљона, Русинка која живее во Белград и го учи српскиот јазик, сними видео на TikTok во кое се обидува да одговори на прашањето зошто Русите се затворени и не сакаат да се дружат со Србите, а видеото брзо се прошири на социјалните мрежи.

– Не можам да зборувам во име на сите Руси, но можам да објаснам зошто е така од моја гледна точка, започнува Аљона во своето видео на TikTok и наведува пет можни причини зошто Русите изгледаат незаинтересирани за дружење.

– Пред се поради стрес. Најголем дел од Русите неодамна се преселиле во Србија. Преселбата не е туристичко патување. Треба да креирате документи, да разберете како функционира сè и да работите во исто време. Верувајте ми, тоа е голем стрес. И останува малку сила за комуникација.

Друга причина е што, вели Аљона, е дека луѓето можеби малку знаат англиски и воопшто не зборуваат српски.

– Можеби би сакале да разговараат со вас, но понекогаш едноставно не можат, додава таа.

Третата причина, според Аљона, е тоа што Русите имаат пријатели – Руси.

– Кога имаш круг на пријатели, тешко е да најдеш мотив да запознаеш нови луѓе, вели таа.

– Четири – ние немаме култура на ‘мал муабет’. Ако ние во Русија се прашуваме „како си“, сакаме голем разговор. И затоа можеби мислите дека сме затворени. И пет: ви треба причина да се сретнете. На пример, заеднички настан, заеднички пријатели или нешто слично.

– Ова е мое мислење зошто Русите изгледаат како затворени луѓе. Ве молам, не се навредувајте. Се адаптираме во нова земја, се обидуваме да изградиме нов живот овде. Не сме против комуникација, само ни треба време, заклучила младата Русинка на TikTok.