Видеото од застреланиот украински војник открива детал кој претставува вистинско изненадување за Путин: “ОВА Е ТАЈНОТО ОРУЖЈЕ НА УКРАИНА!“
Видео снимката од украинскиот војник чии последни зборови беа „Слава на Украина“ непосредно пред да биде убиен од руски војници стана вирална на социјалните мрежи.
Токму тоа видео на херојски пркос против бруталноста треба да испрати порака до рускиот претседател Владимир Путин – можете да не убивате и измачувате колку сакате, но не можете да ја уништите нашата волја за борба. Оваа волја за борба, како што пишува колумнистот на британски Telegraph и пензиониран полковник Ричард Кемп, е тајното оружје на Киев за кое Владимир Путин не е подготвен.
Тоа е сосема спротивно од она што го очекуваше рускиот претседател кога ги испрати своите сили во Украина. Неговата „специјална воена операција“ првично не беше замислена како војна, туку требаше да биде вооружена и психолошка акција што ќе го удри стравот во коски и ќе воспостави марионетски режим во Киев.
Разузнавачките служби на Владимир Путин, предводени од ФСБ, наследничката на неговата КГБ, му рекоа дека некои Украинци ќе ги пречекаат окупаторите со раширени раце. На руските безбедносни служби им биле исплатени огромни суми пари во текот на годините за да се осигураат дека тоа ќе се случи и да инсталираат соработници за да ја преземат владата и да ги доведат противниците до пораз. Пред инвазијата, на ФСБ и беше јасно дека целосно не успеаја да ја дестабилизираат Украина, но како би можеле тоа да му го објаснат на Кремљ по вложените ресурси ?
На крајот се покажа дека руските разузнавачки агенции згрешиле – соработниците во Украина не го направиле тоа што требало. Неподготвените руски вооружени сили наидоа на отпор кој ги изненади, а тој се прошири во областите што ги контролирале пред инвазијата, каде што украинските „партизани“ почнале да им даваат отпор.
Не згрешиле само руските служби во проценките, туку и американските кои очекувале Украина брзо да падне. Зошто згрешиле ? Одговорот на тоа прашање не враќа на убиството на непознат војник во украинската шума. Моралот, кој тој го симболизираше дури и во смртта, е столбот на успехот во војната.
Шон Пинер, поранешен британски пешак кој се борел во Мариупол како украински доброволен маринец, вели дека ниту една сума пари, закани или убедување не може да натера човек кој знае дека може да умре да излезе на фтонтот и да се бори. Моралот се постигнува преку силно лидерство, тимска кохезија што ве тера да го ризикувате животот за човекот од левата и десната страна, знаејќи дека вашето семејство и вашата земја зависат од борбата што ја водите и верувајќи дека она што го правите е правилно. Пинер беше сведок на тоа. Ова го принуди него и неговите другари да преживеат во Мариупол толку долго.
Тоа им недостига на руските војници кои и покрај пропагандата немаат поим за што всушност се борат. Некои од нив немаат желба за борба, а се шират гласини дека ги принудуваат да се борат под закана со пиштол.
Високиот морал и борбениот дух, сепак, не се доволни сами по себе, како што Французите научија на нивната цена во 1940 година. Нивниот колапс првенствено беше резултат на неуспесите на разузнавањето, лошото стратегиско водство и оперативната и тактичката инфериорност во однос на Вермахтот.
За среќа, Украина ги нема овие недостатоци.
Една од најважните причини зошто плановите на Владимир Путин беа спречени минатиот февруари беше лидерството на Володимир Зеленски, неговото останување во Киев и водењето на своите сонародници по сопствен пример. Неговата армија, обучена од Запад, има оперативно тактичка предност пред Русите. Украинското воено разузнавање се покажа како исклучително успешно, делумно благодарение на директниот придонес од Велика Британија и САД.
Се разбира, западните пари и оружје ја задржаа Украина во борбата. Оваа поддршка, која Владимир Путин повторно не успеа да ја предвиди, не само што ги опремува војниците да се борат, туку е и суштински важна за моралот, пишува еминентниот британски весник Telegraph.
