ВИДЕО | АЛЕКСАНДАР ВУЧИЌ ГИ ЗАГУБИ НЕРВИТЕ – Претседателот на Србија дивјачки му се нафрли на еден новинар за едноставно прашање: “За вас јас сум Адолф Хитлер! Ми ја проколнувате мајка ми и семејството…“
Претседателот на Србија, Александар Вучиќ, денес на прес-конференција во Врање имаше нова пресметка со телевизијата N1 од Србија и нивните новинари.
На новинарско прашање за постизборната коалиција во Белград, тој кажа дека не се занимава со тоа и дека не знае дали има некакви договори меѓу неговата партија и дел од движењето „Ние – гласот на народот“ – претставувни од Александар Јерковиќ.
Тој вели дека му било важно да победи убедливо и дека неговата партија успеала во тоа.
„Овие ваши штитеници убедливо ги победивме. Знам дека сте среќни поради тоа како и јас. Добивме десетици илјади гласови повеќе од нив“, му порача Александар Вучиќ на новинарот N1.
Тој се пожали на „тешките услови“ и „грозоморната кампања“ што се води против него и неговата партија.
„Можеби сте во право кога зборувате за мене, но само слушајте што зборува вашата телевизија, а не вие лично“, изјави тој со полемичен тон.
„Објавувате дека сме ги украле изборите, ме обвинувате дека сум крадец и не ми дозволувате да одговорам, не можам да се појавам на телевизија каде целото мое семејство го нарекуваат семејство на криминалци, а јас сум нечесен и претставен како Адолф Хитлер“, продолжи тој со својот монолог.
„Може ли да завршам со оглед на тоа што во последните 30 секунди ме прекинавте пет пати, вие секогаш зборувате за нешто што е некоја си најголема измама, а кога ќе ви кажеш дека тоа не е вистина, вие одговарате дека сте притиснати и прогонувани. Ништо не сум украл, немам 619 милиони евра, неточно е, да речеме, дека сум Адолф Хитлер и не е многу учтиво кога ја пцуеш мајката на претседателот на Републиката. Како се вика тој (Марко) Видојковиќ, во право си, не е од N1, туку од Nova.rs“, со прашања одговори Александар Вучиќ на обидите на новинарот N1 да продолжи.
Александар Вучиќ потоа зборуваше за обвинувањата дека соработувал со нарко-мафијата.
„Четири години новинари и уредници на таа телевизија, гости со кои лажно работевте на таа тема, зборуваа дека сум се занимавал со дилање дрога во случајот Јованиќ, иако знаевте дека немам никаква врска со тоа“, порача Александар Вучиќ.
