ВИДЕО | АПОКАЛИПТИЧНИ СЦЕНИ ОД ХАВАИ – Рајските острови целосно јагленосани! Пилот го снимил огнениот пекол: “Како да паднала бомба! Се слушнаат само експлозии, се изгоре…“
Лахаина, историски град во Мауи, е уништен од шумските пожари што избувнаа на Хаваите. Најмалку 36 лица загинаа во пожарот, а јагленосаниот пејзаж покриен со густ и црн пепел изгледа апокалиптично.
Ричард Олстен, пилот на хеликоптер во сопственост на туристичка компанија, прелетал над опожарената област во средата и изјавил за локалните медиуми дека – „Лахаина изгледала како бомба да експлодирала таму“.
„Ова е ужасно. Летам овде 52 години и никогаш не сум видел нешто слично. Сите плачевме, другите пилоти, механичарите и јас… Дури и бродовите во пристаништето беа изгорени. Никогаш не мислевме дека ќе доживееме вакво нешто“, изјавил тој.
Во 1700-тите години, Лахаина бил главен град на хавајското кралство. Прво било главно пристаниште за флотата на китови во Тихи Океан, а подоцна, бидејќи индустријата за китови започнала да опаѓа, бил претворена во град познат по плантажите со шеќер. Центарот на градот и улицата „Фронт“ се прогласени за национално историско обележје во 1962 година, а шумските пожари сега, за жал, уништија сè.
„Како да сме во воена зона, насекаде се слушаат експлозии“, изјавил локален жител по Алан Бариос за тамошните медиуми.
Кеаумоку Капу вели дека бил на работа во локалниот културен центар каде работи како домаќин, кога неговата сопруга му рекла дека мора да се евакуираат.
„Сè излезе од контрола кога ветерот почна да беснее, избегавме во последен момент“, рекол тој, пишува The Guardian.
Засега не се знае колку згради изгореле, ниту колку луѓе се евакуирани.
Невидените пожари ги разгореа силните ветрови предизвикани од ураганот Дора. Спасувачите на американската крајбрежна стража извлекоа десетина луѓе од океанот кај Лахаина – сите скокнале во водата за да избегаат од чадот и пламените јазици.
„Пациентите кои се здобија со изгореници се пренесени на островот Оаху“, известија надлежните органи.
Гувернерот Џош Грин е во постојан контакт со Белата куќа и се подготвува да побара итна федерална помош во следните два дена.
„Стотици семејства се раселени, а поголемиот дел од Лахаина е уништен“, напиша тој во изјавата на социјалните мрежи, а за катастрофалниот пожар зборуваше и претседателот на САД, Џо Бајден: „Изразувам сочувство до сите оние кои ги загубија своите најблиски во пожарите… Ќе се молам за оние кои останаа на островот да ја обноват својата заедница“, вели тој.
