ВИДЕО: Вака изгледа животот во стан од 9 квадрати во Париз за 750 евра месечно

Освен релативно ниската кирија за Париз, најдобриот дел од овој стан е погледот. Не само што големиот прозорец визуелно го зголемува просторот, туку нуди и поглед на Ајфеловата кула.

Животот во Париз не е евтин. Просечните цени за изнајмување на станови во главниот град на Франција зависат од локацијата и големината на станот. Студио може да се најде по цена од 1.000 до 2.400 евра . Но, ако не сте премногу пребирливи, можете да најдете подостапно сместување.

Викрам е еден таков млад човек – овој Јутјубер , попознат по прекарот Тимвикс ,  живеел во Париз во микро-стан од само девет квадратни метри и плаќал месечна кирија од 750 евра.

Иако е многу мал простор, тоа беше доволно за кревет, шпорет со мијалник и мал фрижидер, биро – па дури и туш кабина. Имаше и место за чување лични предмети – од облека до прехранбени производи, тенџериња и други прибор.

Единствено што му недостигаше во тој микро-стан е тоалетот – се наоѓаше во ходникот надвор од станот и го делеше со друг сосед.

Освен релативно ниската цена за изнајмување за Париз, најдобриот дел од овој стан е погледот . Не само што големиот прозорец визуелно го зголемува просторот, туку нуди и поглед на Ајфеловата кула. Поради близината до центарот на градот и метро станиците, многу е лесно да се стигне до кој било дел од Париз.

Како изгледа кога човек живее во микро-стан од девет квадратни метри, погледнете во видеото на Мајанк Сехгал на  YouTube .