ВИДЕО | ВЛАДИМИР ПУТИН ГО ПОКАЖА НАЦРТ-ДОГОВОРОТ ЗА УКРАИНА – Во Санкт Петербург претседателот на Русија мавташе со листови хартија – погледнете!

Претседателот на Русија, Владимир Путин за време на разговорот со африканската делегација кажа дека Москва е отворена за дијалог со сите кои сакаат да воспостават мир.

Владимир Путин го привлече вниманието со фактот дека Русија никогаш не ги одбила преговорите, за разлика од Украина.

„Каде е гаранцијата дека Украина нема да продолжи да одбива други договори ? И под овие услови ние не одбивме преговори, но раководството на Украина најави дека нема да преговара“, рекол рускиот претседател.

Владимир Путин на своите африкански колеги им го покажал нацртот на Истанбулскиот договор за Украина, кој беше договорен минатата пролет.

„Еве го! Тоа се нарекува Договор за трајна неутралност и безбедносни гаранции на Украина“, нагласил Владимир Путин, а потоа укажал на ставовите од документот.

„Тие се однесуваат на вооружените сили. Сè е прецизирано до единиците на воена опрема и персонал“, рекол Владимир Путин и додал тврдење дека украинската страна го парафирала овој документ.

Според него, Украина „го фрлила документот во ѓубриштето на историјата“ штом Русија ги „повлекла своите трупи од Киев“.

Владимир Путин додал дека Украина и Западот ја „влечат Русија за нос“ со тоа што не ги исполнуваат договорите од Минск.

Погледнете го видеото од говорот на Владимир Путин ОВДЕ.

„Тие јавно објавија дека нема да ги почитуваат мировните договори и ефективно се повлекоа од овој процес. После тоа Русија беше принудена да ги признае независните држави формирани на територијата на Украина, кои ние не ги признававме осум години“, изјавил тој.

Лидерите на три африкански земји, да потсетиме, претходно го посетија Киев, а минатиот ден се сретнаа со Владимир Путин во Санкт Петербург. Изворот на РИА Новости наведува дека африканските лидери презентирале предлог за мировен договор.

Претседателот на Украина, Володимир Зеленски, на заедничката прес-конференција со јужноафриканскиот претседател Кирил Рамафоза во Киев изјави дека нема да го „отвори вториот том“ од Минските договори со Русија.

Јужноафриканскиот претседател Кирил Рамафоса во средината на мај изјави дека на Владимир Путин и Володимир Зеленски им претставил мировна иницијатива во име на Замбија, Сенегал, Конго, Уганда, Египет и Јужноафриканската Република.

Москва и Киев се договорија да ја прифатат мисијата на африканските претседатели на држави.