ВИДЕО | ВЛАДИМИР ПУТИН ДОБИ НОВО МОЌНО ОРУЖЈЕ! ‘Белиот Лебед’ е најголемиот авион на руската Армија опремен со нуклеарно оружје – погледнете!

Русија тестира подобрена верзија на својот најголем суперсоничен бомбардер со нуклеарна способност, познат како „Белиот лебед“.

Newsweek објави дека руската државна медиумска агенција ТАСС јавила дека Москва тестира надградена верзија на борвениот авион Tu-160М. Се наведува дека овој авион ќе биде опремен со понапредно оружје и системи за електронско војување.

Тестовите на овој тежок бомбардер ги вршат Министерството за одбрана на Русија и Обединетата корпорација за производство на авиони, во која најголемиот дел од акциите ги поседува руската Влада.

Руските државни медиуми го опишаа Tu-160М како „најголемиот и најмоќниот суперсоничен воен авион“ со променлива геометрија на крилата никогаш видени во светот.

Тоа се однесува на начинот на кој овој авион може да ја смени позицијата на крилата за време на летот. Производителот на овој авионот Tu-160М објави дека ова е најтешкиот борбен авион што постои во моментов.

Tu-160М, исто така познат по ознаката на НАТО односно прекарот „Бел лебед“, е дизајниран да зафаќа цели на долги растојанија во изолирани области користејќи и конвенционално и нуклеарно оружје.

Овој бомбардер, заедно со руските бомбардери Tu-95МС, претставува клучен дел од можностите на руската војска со долг дострел.

Според военото издание Drive, ова бил последниот стратешки бомбардер ставен во употреба од војската под команда на Москва за време на Студената војна.

Tu-160М го направи својот прв лет во декември 1981 година. Во 2015 година, руските власти го рестартираа производството на овој тежок бомбардер, а новата верзија за прв пат се појави на небото на почетокот на 2018 година.

Според AirForceTechnology.com, Tu-160 со четиричлен екипаж може да носи до 12 крстосувачки ракети со нуклеарни способни, како што е Кх-55, кој има максимален домет од 3.000 километри, а дострелот на самиот авион е околу 12.500 километри.

На почетокот на оваа година, Русија имаше девет бомбардери Tu-160 опремени со крстосувачки ракети за нуклеарни напади Kh-55SM, заедно со седум дополнителни модифицирани верзии на овој авион.

Моделите Tu-160 често се споредуваат со тешкиот стратешки бомбардер B-2 на американските воздухопловни сили или B-1, суперсоничен тежок бомбардер со променлива геометрија.

Се вели дека Tu-160 може да лета со брзина поголема од 2 маха, или двојно поголема од брзината на звукот.