ВИДЕО | ДРАМА НА НЕБОТО – Руски ловци за малку ќе се пресметале со американски убиствени беспилотни летала: Погледнете ја снимката од инцидентот

По втор пат за помалку од еден ден, руските борбени авиони ги „малтретираа“ најсмртоносните американски беспилотни летала – борбени убијци – кои оперираат над Сирија, соопшти Армијата на САД, која објави видео од инцидентот.

„Во четвртокот во 09:30 часот по локално време, руските авиони летале блиску до американските беспилотни летала MQ-9 Reaper и фрлиле мамки пред нив“, изјавил портпаролот на воздухопловните сили на САД. Во инцидентот учествувале два руски авиони Su-34 и Su-35, а истиот траел траел речиси еден час, потврдил портпаролот. Друг претставник на одбраната изјавил дека инцидентот се случил во северозападна Сирија.

„Ова е втор случај на опасно однесување на руски пилоти во последните 24 часа“, изјавил генерал-полковник Алексус Гринкевич, додавајќи дека првиот се случил во средата околу 10:40 часот по локално време.

„Овие настани претставуваат уште еден пример за непрофесионални и небезбедни дејствија на руските воздухопловни сили кои оперираат во Сирија, кои ја загрозуваат безбедноста и на коалициските и на руските сили“, вели Алексус Гринкевич.

„Ги повикуваме руските сили во Сирија да престанат со нивното непромислено однесување и да се придржуваат до стандардите на однесување што се очекуваат од професионалните воздухопловни сили за да можеме уште еднаш да се фокусираме на трајниот пораз на ИСИС“, стои во соопштението на властите од САД.

Во инцидентот во средата, три беспилотни летала MQ-9 Reaper биле на мисија против цели на Исламската држава во Сирија, кога три руски борбени авиони започнале да ги малтретираат, пишуваат американските медиуми.

Алексус Гринкевич вели дека руските авиони фрлиле повеќе падобрански ракети пред беспилотните летала, принудувајќи ги беспилотните летала на затајувачки маневри.

Во март, Алексус Гринкевич кажа дека вооружени руски авиони летаат над американските позиции во Сирија речиси секој ден.

Руските медиуми тврдат дека Русија и Сирија од средата спроведуваат заеднички вежби за противвоздушна одбрана и дека тие ќе траат шест дена.