ВИДЕО | Евгениј Пригожин се појави во јавноста !? Протече снимка на која првиот човек на Вагнер повторно ‘беснее’ – дали ‘готвачот’ испрати јасна порака до Кремљ !?
Првиот човек на групата Вагнер, Евгениј Пригожин е виден во јавноста, јавуваат светските медиуми. На видеото кое претходниот ден почна да кружи на социјалните мрежи се гледа како Евгениј Пригожин, наводно, се поздравува со своите борци во Белорусија.
Во моментов не е можно да се потврди автентичноста на видеото.
Доколку се потврди дека видеото е вистинито, ова ќе биде прв пат Евгениј Пригожин да биде виден во јавноста по бунтот на 24. јуни.
„Добредојдовте момци! Среќен сум што ви посакувам добредојде. Добредојдовте во Белорусија. Се боревме со гордост. Направивме многу за Русија“, се слуша како вели човек кој неверојатно личи на Евгениј Пригожин на видеото.
Видеото прво беше објавено на профил на социјалната мрежа Телеграм близок до групата Вагнер, а потоа и споделено на профилот на Евгениј Пригожин.
Во видеото, борците му се обраќаат на човекот како Евгениј Пригожин. CNN пишува дека видеото не е монтирано ниту пак се сменети деталите од снимката, што укажува дека видеото е направено утрово во зори.
Меѓутоа, со оглед на тоа што видеото е со многу ниска резолуција и е снимено доцна во ноќта, тешко е да се каже дали всушност се работи за Евгениј Пригожин, а не може да се одреди точната локација каде е снимено видеото.
Во видеото, лидерот Вагнер се чини дека ги повторува своите критики кон руските воени претставници и начинот на кој тие планирале и извршувале акции во Украина.
„Ова што се случува сега на фронтот е срамота и не мора да учествуваме во тоа. Треба да го чекаме моментот кога целосно ќе се докажеме“, вели човек за кој се верува дека е Евгениј Пригожин.
Наводниот Евгениј Пригожин потоа додава дека била донесена одлука Вагнер да биде стационирано некое време во Белорусија.
„Сигурен сум дека за тоа време ќе ја направиме белоруската армија втора по големина армија во светот. И доколку е потребно, ќе ги браниме“, вели Евгениј Пригожин.
Тој потоа ги потсети своите борци дека – „Белорусија не само што ги пречека како херои, туку и како браќа“.
Евгениј Пригожин потоа зборува за тоа како нивниот престој во Белорусија е веројатно привремен и ги повикува борците да бидат подготвени да тргнат на своето патување.
„Треба да бидеме подготвени, да закрепнеме и да започнеме нов пат, кон Африка. Можеби ќе се вратиме во Украина, но само кога ќе бидеме сигурни дека нема да се бара од нас да се засрамиме“, вели Евгениј Пригожин.
