ВИДЕО | “ИЗВИНЕТЕ, МОРАМ ДА КАЖАМ НЕШТО…“ – Душан Влаховиќ ја прекина прес-конференцијата поради масакарот во Белград и испрати моќна порака на мајчин јазик до неговите сонародници!

Српскиот репрезентативец и ѕвезда на фудбалскиот клуб Јувентус, Душан Влаховиќ, се обрати и изрази сочувство до семејствата на жртвите од масакарот во Белград, Србија.

Душан Влаховиќ одигра одличен натпревар во победата на Јувентус над Лече со резлутат од 2:1, постигна фантастичен гол, а по натпреварот мораше да го прекине интервјуто односно прес-конференцијата за да им изрази сочувство на семејствата на жртвите од масакрот во Белград. Ученик од седмо одделение претходниот ден уби осум ученици во основното училиште „Владислав Рибникар“ во Врачар, а Душан Влаховиќ испрати порака за поддршка на семејствата на жртвите. 

„Извинете, би сакал да кажам нешто. Денес е многу тажен ден за мене поради она што се случи во Белград утринава. Би сакал да испратам огромна прегратка до семејствата и сите луѓе кои се таму. Да се ​​надеваме дека ова никогаш повеќе нема да се повтори бидејќи тоа се незамисливи работи. Многу сум тажен и на сите им праќам голема прегратка“, порачал тој на италијански јазик, а потоа испратил и порака на неговиот мајчин јазик која гласела: „Нека почиваат во мир, слава им!“.

Кога станува збор за фудбалот, тој истакна дека ова е многу важна победа за него и за неговиот клуб.

„Ова е многу важна победа бидејќи сакаме да ја прекинеме лошата серија, не победивме неколку натпревари и беше важно да победиме денес. Не постигнав гол некое време и сега се надевам дека ќе продолжам вака на следните натпревари. Како што кажав, се надевам дека ќе продолжиме вака“, истакнал тој.