ВИДЕО | КРВАВ КАРНЕВАЛ – За време на познат фестивал во западен Лондон, осум лица се избодени со нож, а околу 300 се уапсени

Во критична состојба е 29-годишен маж, кој синоќа по 21 часот беше избоден со нож, додека 19-годишен маж е во тешка, но стабилна состојба, додека останатите шест мажи се во состојба неопасна по живот повреди, пренесува Sky News.

Сите лица биле повредени во одвоени инциденти.

Во текот на двата дена на фестивалот, 275 лица се уапсени за голем број кривични дела, вклучувајќи поседување дрога, сексуален напад, напад врз полиција и други работи.

Заменик-помошникот на полицискиот комесар Аде Аделекан, кој ја надгледувал полициската операција, вели дека е жално што карневалот е обележан со сериозно насилство втора година по ред.

„Никој не ја оспорува важноста на карневалот во културниот календар на Лондон и огромното мнозинство од оние кои дојдоа ќе имаат позитивни искуства. Сепак, не можеме да ги игнорираме прободите, сексуалните напади и нападите врз полицајците што ги видовме“, изјавила таа.

Таа додала дека полицијата ќе ги проучи настаните од претходните два дена и детално ќе разгледа што можеби ќе треба да се промени во наредните години.

Според извештаите, околу два милиони луѓе се смета дека излегле на улиците на западен Лондон за време на карневалот.