ВИДЕО | Мистериозен бродолом се појави на канадскиот брег

Остатоци од се уште непознат брод се појавија на песочната плажа Кејп Реј во Њуфаундленд, Канада.

Се верува дека ураганот Фиона предизвикал исфрлање на морето на брегот на остатоците од бродот за кој се верува дека бил изграден во 19 век.

Се уште е тешко да се зборува за детали, но експертите сега работат на истражување и зачувување на остатоците од бродот.

Дрвените остатоци ги пронашле локалните жители недалеку од провинцискиот парк ЈТ Чизман. Се чини дека тоа е само половина од остатоците кои веројатно се поделиле на половина.

Се верува дека потонатиот брод бил затрупан, но бил „ослободен“ и „турнат“ на брегот поради невремето, вклучувајќи го и минатогодишниот ураган Фиона.

Повеќе информации за потонатиот брод се очекуваат во наредниот период.