ВИДЕО | Новинарката известувала во живо од Газа, кога облакодер зад неа бил погоден од проектил

Израелскиот напад на облакодер во Газа е снимен за време на телевизиско пренесување во живо. Камерите го снимија нападот додека репортерката на Ал Џезира, Јумна Ел Сајед, била од друга зграда во близина. Кога проектилот го погодил облакодерот, новинарката вресна и исчезна од кадарот.

Водителот од студиото ја замоли да се засолни. Тогаш можеше да се слушне како новинарката тешко дише, но рече и дека може да продолжи да известува. „Во ред е. Ова е ракетен напад врз Палестинската кула точно среде Газа. Гледајќи ги сите згради во близина, можете да замислите колкаво е уништувањето што е таму“, рече Ел Сајед.

Облакодерот има 14 ката

Потсетиме дека Израел објави војна и вети „огромна“ одмазда откако Хамас утрово изврши напад без преседан преку силно утврдената граница со Газа, истрелувајќи илјадници ракети. Се верува дека најмалку 200 Израелци се убиени, а повеќе од 1.000 се повредени.

Нападот на палестинската кула прикажан на видеото се случи неколку часа по ненадејниот напад на Хамас. Асошиетед прес објави дека 14-катната кула е дом на „десетици“ семејства, додека Ал Џезира тврди дека во зградата се наоѓаат и канцеларии за медиуми.

Во соопштението на израелските воздухопловни сили се вели дека воени авиони погодиле две високи згради во Газа, нагласувајќи дека во нив е сместена „воената инфраструктура“ на Хамас. Веднаш не беше јасно дали една од тие згради на кои мислеа воздухопловните сили беше кулата прикажана во директниот пренос.