ВИДЕО | Нов светски рекорд: 0-400-0 км/час за 28,81 секунди

Koenigsegg Regera, хиперавтомобил стар 10 години, повторно постави нов рекорд во забрзување.

Regera забрзуваше од 0 до 250 милји на час и целосно застануваше за 29,6 секунди, односно стигна од 0 до 400 км/час, па забави на 0 км/час за 28,81 секунди.

Ова е навистина импресивно, особено поради фактот што многу помодерниот хиперавтомобил Rimac Nevera неодамна ги „украде“ тие рекорди, но и неколку други.

Многумина ќе постават логични прашања, дали се работи за модифицирана верзија со поголема моќност и подобра аеродинамика, дали е можеби прототип, но одговорот е едноставен. Откако Regera излезе во 2014 година, технологијата на гумите е подобрена, а шарата овојпат се чини дека е подобра од претходните обиди.

Koenigsegg искористи нов сет на гуми Michelin Cup 2 R, најде подобра подлога и подобри услови од застарениот аеродром каде беше поставен претходниот рекорд, а резултатот е нов рекорд.

Исто така, се поставува прашањето зошто да се бркаат нови рекорди кога Regera веќе не се произведува или продава, а во овој случај одговорот е едноставен. Затоа што може…

Како што е потврдено од Racelogic, Regera ги постигна следните времиња:

0-250-0 милји на час: 29,6 секунди

0-250 mph: 21,35 секунди

250-0 mph: 8,25 секунди

0-400-0 км/час: 28,81 секунди

0-400 км/час 20,68 секунди

400-0 км/час: 8,13 секунди.

За новите рекорди зборуваше и Мате Римац, хрватскиот визионер и „татко“ на Nevera, кој е во пријателски односи со Кристијан фон Кенигсег. Тој најави продолжување на битката.

„Сè уште сме пријатели. Играта може да почне…“, рече Римац.