ВИДЕО | ОВА НЕ СМЕ ГО ВИДЕЛЕ ДОСЕГА – Ким Џонг Ун се скрши пред стотици жени, лидерот на Северна Кореја ронеше солзи !?
Минатиот викенд во Пјонгјанг, Ким Џонг Ун учествуваше на петтата национална конвенција на мајките и им се обрати на присутните жени, барајќи од нив „да помогнат да се запре континуираниот пад на наталитетот во земјата и да се зајакне националната моќ“, а врховниот лидер дури и плачеше.
„Запирањето на падот на наталитетот и обезбедувањето добра грижа и образование на децата се семејни прашања кои не засегаат сите нас и треба да ги решиме со нашите сопруги и мајки“, посочи Ким Џонг Ун додека со бело марамче ги брише солзите од лицето, а овој необичен момент можете да го погледнете ОВДЕ.
Податоците на ОН проценуваат дека од 2023 година стапката на фертилитет – или просечниот број на деца што една жена раѓа во Северна Кореја – е 1,8, што го потврдува продолжениот пад во последните децении.
Иако Северна Кореја е една од најсиромашните нации во светот, а промената во нејзината демографска структура е слична на онаа на богатите земји, велат експертите.
„Многу семејства во Северна Кореја не сакаат да имаат повеќе од едно дете, бидејќи знаат дека им требаат многу пари за нивното воспитување и образование“, вели Ан Кјунг Су, раководител на веб-страница која се фокусира на здравствените проблеми во Северна Кореја.
Овој човек, кој интервјуирал многу севернокорејски дезертери, исто така вели дека огромните количини на шверцувани јужнокорејски ТВ серии и филмови во изминатите 20 години, исто така, придонеле за фактот дека жените во Северна Кореја не сакаат да имаат повеќе деца.
„Преку споменатата програма дознаа за покачениот социјален статус што го имаат жените во некои други земји“, објасни тој.
Потсетете се дека Пјонгјанг спроведуваше програми за контрола на раѓањето помеѓу 1970-тите и 1980-тите години за да го забави растот на населението по војната. Стапката на плодност во земјата нагло опадна по гладот во средината на 1990-тите години, кога загинаа стотици илјади луѓе.
Според извештаите објавени од севернокорејските државни медиуми оваа година, земјата воведе низа бенефиции за семејствата со три или повеќе деца, вклучувајќи повластени бесплатни станови, владини субвенции, бесплатна храна, лекови и предмети за домаќинството и образовни бенефиции за децата.
Агенцијата за статистика на Јужна Кореја процени дека населението на Северна Кореја е 25,7 милиони, а се предвидува дека до 2070 година ќе се намали на 23,7 милиони.
