ВИДЕО | Погледнете како Украинците со ефтин дрон уништуваат моќно руско оружје: “Следуваа серија експлозии!“

Украинците објавија видео-снимка и се пофалија со уништување на руски термобаричен ракетен фрлач TOS-1А од страна на „ефтин“ дрон. Како што можете да видите на видеото, по ударот на фрлачот, следуваат серија експлозии додека ударот ја активира муницијата.

За уништување на рускиот фрлач TOS-1А, специјалните сили на Службата за безбедност на Украина употребиле беспилотно летало од типот Pegas, вредно само неколку стотици долари.

TOS-1A е масовно уништувачки руски вооружен систем развиен во раните 2000-ти години. Се базира на советскиот тежок фрлач TOS-1 и вклучува борбено возило, транспортно и товарно возило и ракетни проектили.

Клучната разлика помеѓу TOS-1A и првата варијанта е помалиот број ‘буриња’ – 24 наместо 30 единици. Исто така, новата верзија на транспортно-товарното возило сега има шасија за тенкови Т-72 наместо претходно користеното возило KRAZ.

Тој пламенофрлачки систем користи термобарични школки од 220 mm. Максималниот опсег на лансирање е 6.000 метри, а еден може да покрие прилично голема површина.