ВИДЕО | Пожарникар спасил бебе оставено во кутија и го посвоил: „Веднаш ја засакав“

Пожарникар од Флорида веројатно немал поим колку ќе му се промени животот откако минатата година го спасил животот на едно мало девојче.

Имено, додека бил на должност во својата противпожарна станица во градот Окала, го слушнал алармот што се огласува кога некој ќе стави дете во Haven Baby Box, сеф кој се наоѓа во таа противпожарна станица, каде мајките кои се во криза ситуацијата може да го остават своето дете.

Така во противпожарната станица пристигнало девојче која на прв поглед го освоила пожарникарот кој сакал да остане анонимен.

„Го сакав тоа мало девојче штом ја видов“

Тој и неговата сопруга го посвоиле девојчето шест месеци по откривањето и ја нарекле Зои. 

„Се заљубив во тоа девојче уште од моментот кога ја видов, знаев дека мојата сопруга ќе се согласи со идејата за посвојување. Се обидувавме да основаме семејство скоро 10 години, но не успеа. Не се надевавме премногу, се пријавивме да посвоиме дете, тоа беше единственото што ни требаше“, вели пожарникарот.

“Се плашев дека девојката ќе биде дадена на некој друг, тоа беше многу стресно. Но набрзо Зои пристигна во нашиот дом. Таа е дар од Бога”, додал тој. Пожарникарот вели дека сакал да ја сподели својата приказна со надеж дека мајката на девојчето ќе знае дека малото е згрижено и сакано.

Дејли мејл пишува дека во САД има повеќе од 100 такви кутии како онаа во која е пронајдена Зои. Моника Келси, основачот на програмата, изјави дека е благодарна на мајката на Зои што го оставила бебето на безбедно место каде што некој би можел да ја спаси. 

„Никогаш не се гледав себеси како некој што ќе ги промени животите на другите луѓе, само сакав да поставам неколку вакви кутии за да спасам бебиња“, вели Келси, која продолжува да ги поставува Haven Baby Boxes.