ВИДЕО | Поранешниот израелски премиер: „Изградивме бункери под болницата Ал-Шифа“
Поранешниот израелски премиер Ехуд Барак предизвика контроверзии откако изјави за CNN на Кристијане Аманпур дека Израел помогнал во изградбата на некои подземни простори под болницата Ал-Шифа во Газа. Барак рече дека бункерите што ги користел Хамас за терористички активности првично биле „изградени од израелски градежници“.
„Кога рековте дека се изградени од израелски инженери, дали погрешно кажавте? Изненадено го праша Аманпур.
„Не, не, знаете, пред неколку децении ние го водевме местото… па им помогнавме… им помогнавме да ги изградат тие бункери за да овозможат повеќе простор за работа на болницата“, одговори Барак. Аманпур призна дека коментарот на Барак ја оставил „малку збунета“.
Критичарите на Израел масовно шират клип од интервјуто
Тајмс оф Израел известува дека снимката е широко распространета на интернет и е претставена од израелските критичари како доказ дека Израел лаже дека Хамас гради тунели под Шифа и го користи медицинскиот комплекс за да се заштити од напади.
Израелските власти тврдеа дека Хамас првично го присвоил подрумот на болницата – која била изградена од Израел кога сè уште владеел со Газа – и дека терористичката група оттогаш ископала уште неколку ката и додала тунели за да го направи местото центар на својот огромен подземен лавиринт.
