ВИДЕО | ШПАНСИ ФУДБАЛЕР МЕТА НА ПОТСМЕВ ШИРУМ СВЕТОТ – Погледнете што направи на натпреварот против Норвешка

Фудбалерите на Норвешка и Шпанија играа во дербито од групата А, натпреварот од 8. коло од квалификациите за одење на Европското првенство.

По првите 45 минути немаше голови, а најголема заслуга за тоа има Алваро Мората.

Напаѓачот на Шпанија постигна гол во 20. минута, но по ВАР проверката беше поништен. Сосема оправдано бидејќи Алваро Мората беше во офсајд.

А токму поради оваа ситуација Алваро Мората е предмет на потсмев на социјалните мрежи ширум светот. Се разбира, освен во Шпанија, каде моментално е на столбот на срамот.

Шпанците изведоа одличен напад, еден од Шпанците ја испрати топката кон средината, но домашните дефанзивци ја одбија топката и таа се упати кон празната мрежа. И таму би завршила за водство на Шпанија. Но Алваро Мората се појави од никаде и побрза да ја испрати топката во мрежата за да може да биде заслужен за голот. Резултат – ВАР покажа дека е од офсајд, а снимката од овој момент можете да ја погледнете ОВДЕ.