ВИДЕО | ЏО БАЈДЕН ДОНЕСЕ ОДЛУКА – Веќе се знае кој ќе биде на чело на НАТО од есен !?

Се очекува дека од Јенс Столтенберг, генералниот секретар на НАТО, ќе биде побарано да остане на чело на организацијата уште една година.

Ова го објави медиумската агенција Reuters повикувајќи се на извор запознаен со ова прашање и неименуван американски функционер. Причината за овој неочекуван развој на настаните е тоа што НАТО не успева да постигне договор за наследникот на Јенс Столтенберг пред самитот што ќе се одржи во литванската престолнина Вилнус во средината на месец јули.

Јенс Столтенберг, поранешен премиер на Норвешка, дојде на чело на НАТО во 2014 година и треба да се повлече на крајот на септември по девет години, но Reuters цитира извор кој вели дека Норвежанецот има широка поддршка во алијансата и се смета дека е сè уште ефикасен лидер.

„Администрацијата на американскиот претседател Џо Бајден размислува Јенс Столтенберг да остане уште една година. Се чини дека во моментов нема консензус во НАТО за неговата замена“, изјавил американски функционер кој сакал да остане анонимен.

Изгледите од Јенс Столтенберг да биде побарано да го продолжи својот мандат по четврти пат, се вели дека се зголемиле како што се приближува самитот во Вилнус, бидејќи сојузниците стравуваат од прикажување на неединство додека НАТО продолжува да реагира на руската војна во Украина.