ВИДЕО | 190 милиони прегледи: Многу редок феномен осамна на небото над Кина

На TIKTOK се појави видео на кое се гледа необичен феномен на небото над Кина, а видеото набрзо стана вирално и почна да се шири на социјалните мрежи.

Иако на прв поглед изгледа како виножито, всушност станува збор за ретка појава која изгледа сосема нереално, со која се согласија многу тиктокери. 

Имено, видеото од сцената од бајките собра речиси 190 милиони прегледи и повеќе од 34 милиони лајкови, а луѓето не престануваат да го коментираат виралното видео. 

„Дали може да биде реално? 

 „Значи, сите сме тука сега“, се пошегува тиктокерот, додека друг додаде: „Во ред, ова е навистина кул“.

„Ова е толку прекрасно, дали може да биде реално? Тиктокерот го постави прашањето што им е на сите на ум, а другиот ѝ одговори: „И повеќе од реално“.

За што се работи? 

Тоа е магичен феномен, облакот се вика Pileus, што на латински значи „капа“. Овој облак од бои на виножитото во облик на капа е редок феномен. 

Необичниот облак се формира кога влажниот воздух брзо се издигнува над врвот на кумулусниот облак, кој потоа се лади и кондензира за да формира капа составена од голем број ледени кристали. 

Во боите на виножитото 

Сепак, овој тип на облак ретко се гледа во боите на виножитото.

Ова се случува само во случај на таканаречена iridescence, т.е. обоеност на облакот, кога светлината на Сонцето или Месечината под одреден агол поминува низ тенок облак слој составен од мали капки вода или мали ледени кристали со слични димензии.

Тогаш светлината се разложува на спектрални бои, а резултатот е сцена која навистина го одзема здивот.