“ВИДОВ КАКО ЈА СИЛУВАА ГРУПНО, А ПОТОА И ПУКАА ВО ГЛАВА…“ – Морничава исповед за смртта на Германката убиена од Хамас
Израелските власти размислуваат дали да ги обвинат терористите на Хамас за силување, откако некои сведоци зборуваа за случаи на масовно силување на местото на фестивалот „Супернова“ во близина на Појасот Газа.
Според The Telegraph, истражителите од израелската национална единица за криминал собрале докази за сексуално недолично однесување од страна на борците на Хамас за време на смртоносниот напад на 7. октомври. Една посетителка на фестивалот, која успеала да преживее со чиста среќа, раскажала застрашувачка приказна за тоа како се криела од терористите и видела како напаѓачите групно силуваат млада девојка. Среде тој ужас, таа била сведок и на убиството на таа девојка.
Како што вели девојката, а пренесува The Telegraph, во еден момент видела како вооружен напаѓач ја силувал, а подоцна дознала дека истата девојка била силувана од друг член на Хамас, пред да ја убијат и да и го осакатуваат телото.
Друг сведок, кој се криел на истото место, рекол дека не ги видела силувањата, туку слушнала за тоа од други преживеани. Членовите на израелските одбранбени единици, кои први пристигнаа на местото на масакрот и ги собраа телата на убиените на фестивалот, исто така кажуваат дека виделе знаци на малтретирање на телата на младите жени.
Израелските власти соопштија дека држат стотици осомничени за кои се тврди дека се вмешани во нападот на Хамас. Сепак, тие веднаш не ги пријавија случаите на силување, иако некои од жените кои ги зеле како заложници биле парадирани од Хамас на улиците на Појасот Газа. Меѓу нив беше и Шани Лук, која беше една од посетителите на фестивалот и чие осакатено тело го возеше Хамас во пикап.
Некои од сведоците велат дека виделе тела на млади жени со знаци на малтретирање, а израелските медиуми објавија дека инспекторите собрале докази за сексуални престапи од борците на Хамас. Сепак, се уште не е познато дали израелските власти ќе ги обвинат терористите за силување.
