ВЛАДИМИР ПУТИН ГИ АКТИВИРА ‘ЗАСПАНИТЕ’ АГЕНТИ НА КРЕМЉ – По протерувањето на неговите шпиони од западните амбасади, се активира познатата тактика од Советскиот Сојуз !?
Русија се сврте кон различни методи на шпионажа по протерувањето на руските агенти кои беа распоредени низ Европа под превезот на дипломатски работи.
Ова го наведува угледниот весник The Guardian, кој потсетува дека по откривањето на аргентинската двојка која живеела во Словенија и фотографот со мексиканско-грчко потекло кој бил разоткриен како шпион во Атина, во Велика Британија биле уапсени тројца бугарски државјани, кои се осомничени дека работеле за руски разузнавачки служби, следеле тајни процеси, а поседувале и лажни хрватски пасоши.
Се вели дека многу други се обвинети за предавање информации на Русија, вклучително и чувар на британската амбасада во Берлин кој беше осуден на 13 години затвор, како и десетици луѓе уапсени во Полска под обвинение дека извршувале различни задачи за тајните служби на Русија.
The Guardian наведува дека едно е јасно, а тоа е дека откако рускиот претседател Владимир Путин започна целосна офанзива против Украина во февруари минатата година, Москва е принудена да прибегнува кон поризични и помалку конвенционални методи на шпионирање.
Се вели дека тоа се должи на фактот што многу руски шпиони што Кремљ ги распореди во Европа под превезот на дипломатски работи, оттогаш се протерани од сите западни земји.
The Guardian наведува дека традиционално трите главни руски разузнавачки служби – домашната ФСБ, странската СВР и воената ГРУ – распоредувале оперативци во странство како дипломати.
Се вели дека службите користеле и оперативци кои се претставувале како руски бизнисмени, туристи и новинари.
Војната во Украина го направи сето тоа многу потешко. Центарот за стратешки и меѓународни студии проценува дека повеќе од 450 дипломати биле протерани од руските амбасади во првите три месеци од конфликтот, од кои повеќето во Европа.
Поради сето ова, Русија се сврте кон активирање на ќелии на заспани шпиони или префрлање на поактивни разузнавачки должности на неофицијални агенти и оперативци.
The Guardian наведува дека тоа би можело да се државјани на трети земји или „илегалци“, руски државјани кои се претставувале како државјани на трети земји кои со години и години макотрпно го граделе својот лажен идентитет.
Се вели дека овие „илегалци“, остаток од програмата за шпионажа од советската ера, традиционално извршувале неколку активни шпионски должности, овозможувајќи им целосно да се нурнат во странските општества за време на долготрајните мисии.
Меѓутоа, во последната година на Запад се разоткриени најмалку седум „илегалци“ и тоа во Норвешка, Бразил, Холандија, Словенија и Грција. Некои од нив успеале да побегнат и се претпоставува дека се вратиле во Русија, додека останатите се уапсени.
