ВНИМАНИЕ! Внимавајте ако го одмрзнувате месото на собна температура, а еве зошто

Важно е колку долго месото ќе биде на собна температура.

Штом месото ќе се извади од замрзнувач, речиси сите го оставаат на кујнскиот пулт за побрзо да се одмрзне. Но, за да се избегне прекумерен раст на бактерии, важно е да имате на ум неколку работи.

Никогаш не треба да го оставате месото подолго од 2-3 часа на собна температура. На пример, кога месото ќе се остави еден ден на површината на кујната, може да достигне температура од повеќе од 4 степени, што предизвикува огромен раст на бактерии. 

Покрај тоа, опцијата за одмрзнување со топла вода не е добра. Површинскиот слој на месото се одмрзнува побрзо и влегува во процесот на готвење под млаз топла вода. Затоа постудената вода е подобар начин за одмрзнување.

Уште подобар начин е да го оставите месото во фрижидер да се одмрзне, доколку не ви се брза. Треба да отстои околу 24 часа во фрижидер, по што е подготвен за подготовка.