Вознемирувачки податоци: Македонија втора во Европа – Струмица и Тетово меѓу најзагадените градови

Швајцарската организација IQAir откри вознемирувачки бројки за загаденоста на воздухот во Македонија.

Според податоците, Македонија е втора најзагадена земја во Европа во просек. Првата е Босна и Херцеговина.

Скопје се најде на 30. место меѓу најзагадените метрополи во светот, додека во Европа, Струмица на 12. и Тетово на 14. место се меѓу најзагадените градови.

Инаку, загадувањето на воздухот е најголемата еколошка закана за здравјето на луѓето, предизвикувајќи еден од девет смртни случаи ширум светот.

Според Светската здравствена организација (СЗО), загадувањето на воздухот е одговорно за околу 7 милиони предвремени смртни случаи во светот секоја година.

Изложеноста на загадувањето на воздухот со ПМ2,5 влошува многу здравствени состојби, вклучувајќи, но не ограничувајќи се на астма, рак, мозочен удар и белодробни заболувања.