(ВОЗНЕМИРУВАЧКО ВИДЕО) Жена повикала да пријави насилство, полицијата ја убила пред очите на нејзината ќерка (9)

Полицаец застрелал жена која барала помош за семејно насилство додека нејзината деветгодишна ќерка гледала на камера

Полицијата во Лос Анџелес објави видео од камерата на полицаецот, на кое се гледа како тој пука во Ниани Финлејсон (27), која повикала полиција на помош поради семејно насилство.

На видеото, кое е снимено на 4 декември, се гледа како полицаецот Тај Шелтон пука во Ниани четири пати по влегувањето во нејзиниот дом.

Убиството на младата жена предизвика незадоволство кај граѓаните и бран протести, а граѓаните прашуваат зошто полицијата не презела ништо за да го спречи конфликтот, туку употребила смртоносна сила врз жената која побарала помош и била жртва на насилство .

Полицијата објави и аудио снимка од повикот кој Ниани го упатил пред да биде убиена: „Нема да ја напушти мојата куќа. Нема да ме остави на мира. Ми треба полиција, сега!“ се слуша како Ниани вика додека вика на човекот да ја остави на мира.

Адвокатот на семејството на Нијана вели дека таа претрпела насилство од нејзиното поранешно момче.

Предупредување: вознемирувачка снимка

На видеото се слуша како бившиот дечко на Нијана вреска: „Неее, не, зошто пукаше?“

Полицијата не објави видео што покажува што се случило по пукањето.

Полицијата соопшти дека Ниана била пренесена во болница каде била констатирана смрт.

Нејзиното поранешно момче е приведено поради злоупотреба на деца и попречување на полицаец.

Инаку, медиумите пишуваат дека ова не е прво убиство на полицаецот Шелфон. Во јуни 2020 година, тој го уби Мајкл Томас (61) при истата интервенција поради семејно насилство. Убиството не е забележано на камерата, но девојката на Томас подоцна изјавила дека двајцата се расправале и дека Томас се обидел да ја спречи полицијата да влезе во нивниот дом. Сето ова се случувало една недела по убиството на Џорџ Флојд, а Томас наводно се плашел дека полицијата ќе го повреди. Томас немаше оружје во рацете, но Шелтон сепак го застрела во градите. За тоа никогаш не бил гонет.