Володимир Зеленски упати директна закана до Москва: “Руските воени сили се уште можат да си заминат, во спротивно ќе бидат уништени!“

Претседателот на Украина, Володимир Зеленски, денес, говорејќи за претстојната украинска пролетна контраофанзива, изјави дека „руските воени сили се уште имаат време да заминат – во спротивно ќе бидат уништени“.

Володимир Зеленски во својата изјава кажа дека не може да даде конкретни детали за претстојната контраофанзива, бидејќи како што вели – „не можеме да им дадеме можност на терористите од Руската Федерација да се подготват за нашите методи и чекори кон деокупација“, пишуваат украинските медиуми.

Дискусиите за контраофанзивата траат со месеци, а Володимир Зеленски на 25. март кажа дека контраофанзивата била одбиена поради недостиг на оружје, вклучувајќи тешка воена опрема и борбени авиони.

Во меѓувреме, Словачка и Полска се првите земји што испратија борбени авиони во Украина – Словачка донираше четири од вкупно 13 MiG-29 на 23. март, додека Полска ја испорача првата серија авиони на 3. април.

„Властите во Киев распоредуваат воени резерви на бојното поле кај градот Бахмут со цел да се обиде да организира контранапад“, изјави денеска советникот на претседателот на самопрогласената Доњецка Народна Република (ДНР) Јан Гагин.

„Непријателот е решен да се бори за деловите од територијата што се уште ги контролира украинската армија, иако тие веќе го загубија градот. Тие распоредуваат резервни сили во обид да ја вратат контролата врз Бахмут“, нагласи Гагин, додавајќи дека повеќето резерви што Киев ги испратил во Бахмут биле уништени пред да влезат во битка.

Основачот на првата руска воена група, Вагнер, Евгениј Пригожин, синоќа соопшти дека на зградата на градската управа во Бахмут е истакнато руското знаме и дека градот е под контрола на руските воени сили.