Волците од Чернобил развија СУПЕРМОЌ која може да му помогне на целото човештво

Еве што откри една нова студија.

Новото истражување покажа дека дивите волци кои живеат во зоната на исклучување во Чернобил развиле отпорност на рак и би можеле да дадат нови сознанија за тоа како да се спречи болеста кај луѓето. 

Глутниците сиви волци скитници кои живеат во Чернобил се чини дека развиле мутации кои ги зголемуваат нивните шанси да преживеат од рак, сугерира новото истражување.

Кара Лав, биолог од Принстон, и нејзиниот тим ги проучуваат волците од Чернобил од 2014 година, земајќи примероци од крв од волците и ставајќи ГПС јаки со дозиметри за зрачење на нив за да ги следат нивните локации и нивоата на изложеност на радијација во реално време.

Истражувањата откриле дека имаат изменет имунолошки систем, сличен на оној на болните од рак кои биле подложени на зрачење, пишува Мирор, пренесува N1 Хрватска.

Имено, и покрај тоа што примале потенцијално смртоносни дневни дози на зрачење, волците изгледале извонредно отпорни на неговите ефекти – преживуваат и напредуваат и покрај долгогодишната изложеност и таложењето на радиоактивни честички во нивните тела. Анализата покажа дека многу од нивните гени поврзани со ракот имаат нови мутации, што сугерира дека еволуирале за да се заштитат од радијација, пишува Дејли Меил.

Резултатите од новото истражување беа претставени минатиот месец на годишниот состанок на Друштвото за интегративна и компаративна биологија во Сиетл, Вашингтон, а за многумина тие претставуваат откритие што може да го отвори патот за експертите да идентификуваат мутации кај луѓето кои го намалуваат ризикот на рак.

Животните кои шетаат во зоната на исклучување на Чернобил и нивната ДНК се од интерес за многу научници ширум светот. Минатата година, генетичарот Елејн Острандер забележа како таквата работа може да даде нови сознанија за тоа како да се спречи ракот кај луѓето.