Во Белгија почина бебе заборавено во паркирано возило

 – Бебе починало откако било заборавено во возило на болнички паркинг во јужна Белгија, објавија локалните медиуми.

6-месечното дете починало откако мајката, вработена во болница во Жили, случајно го оставила новороденчето во својот автомобил, пишува белгискиот весник „La Libre Belgique“.

Мајката требало да го остави детето во градинка, но заборавила да го стори тоа и наместо тоа отишла директно на работа.

Бебето поминало неколку часа заробено во автомобилот на сонце.

Чуварот го нашол детето во 17:30 часот по локално време, но новороденчето не можело да се спаси.

Ќе биде направена обдукција за да се дознае точната причина за смртта на бебето.

Со само 14 недели платено отсуство, Белгија е една од земјите на ЕУ која нуди најмалку породилна поддршка за вработените мајки.

Според истражувањата во САД, каде што во просек годишно се случуваат 38 слични трагедии, не е невниманието тоа што ги тера родителите да го заборават своето дете во автомобил, туку привременото заостанување во меморијата поради екстремен замор.