Во пештера пронашле остатоци од неандерталци а потоа останале во шок! Откриле вируси во коските: Сега ќе ги оживеат!? (фото)

Најстарите човечки вируси, вклучувајќи го и херпесот, се откриени во коските на неандерталците стари 50.000 години и научниците наскоро може да ги рекреираат.

Истражувачите од Бразил идентификувале остатоци од вируси како што е вирусот на херпес, кој предизвикува настинка, папиломавирус и аденовирус, познат како обична настинка, кај двајца машки неандерталци во руска пештера.

Имено, претходните истражувања претпоставуваат дека неандерталците изумреле поради вирус, а оваа студија е прва што ја потврди таа идеја. Истражувачите се надеваат дека ќе ги синтетизираат вирусите и ќе заразат човечки клетки во лабораторија за да ги споредат со нивните модерни верзии.

„Овие вируси на тој начин може да се проучуваат за нивните репродуктивни и патогени карактеристики и да се споредат со денешните верзии“, рече Марсело Брионс, водечки автор на студијата.

„Јас сум скептичен дека ќе успееме да го извлечеме, имајќи предвид дека не разбираме како се уништува ДНК вирусот и како да ги реконструираме поправените делови во целосен вирусен геном.”

Остатоците од неандерталците се пронајдени во сибирската пештера Чагирскаја. Резултатите утврдија дека остатоците од вирусот не биле заразени од можни предатори кои се хранеле со неандерталците или од современи луѓе кои можеби ракувале со коските.

Аденовирусот предизвикува симптоми на настинка кај современиот човек и може да предизвика инфекции на крајниците, аденоидите и другите мукозни ткива, додека гениталните брадавици и ракот може да се развијат од сексуално преносливиот папиломавирус.

Истражувачите веруваат дека херпес вирусите „можеа да бидат причина за изумирање на неандерталците“, но тие треба да спроведат дополнителни тестови за да го потврдат тоа.

„Генерално, нашите податоци покажуваат дека овие вируси би можеле да претставуваат вируси кои всушност ги заразиле неандерталците“, рече Брионс.

Резултатите, вели, не го изненадиле бидејќи денешниот човек во својот живот е заразен со 10-тина болести.

Остатоците на овие неандерталци за првпат беа откриени во 2022 година, меѓу девет други кои споделуваа ДНК, што значи дека се поврзани. Ќерка и нејзиниот татко биле меѓу посмртните останки, а тој споделил митохондријална ДНК со двајцата мажи, откривајќи дека тие имале женски предок, веројатно иста баба.

Имаше знаци дека возраста се движи од деца и тинејџери до возрасни и се верува дека сите умреле во исто време, но истражувачите не знаеле како. Истражувачите сега се надеваат дека нивното ново откритие конечно би можело да расветли што доведе до смрт на неандерталците и што доведе до нивно истребување.