ВО СВЕТОТ НА СОНИШТАТА: Погледнете како изгледа куќата на Салвадор Дали која ја уредувал 40 години (ВИДЕО)

Куќата-музеј Портлигат, како што доликува на ексцентричен уметник, е ремек дело кое истовремено збунува, забавува и фасцинира…

Коста Брава, дел од шпанскиот медитерански брег во Каталонија , кој се протега помеѓу устието на Тордер и француската граница, е едно од омилените места за лежење на плажите и пиење коктели со поглед на синилото. Но, брегот крие и некои изненадувања. Cadaqués се наоѓа во срцето на Коста Брава, мало гратче познато на љубителите на надреалистичкиот гениј  Салвадор Дали.

Куќата-музеј  Портлигат  е како што доликува на ексцентричен уметник, ремек дело кое збунува, забавува и фасцинира во исто време. Лавиринтот од соби со различни форми и големини бил единствената постојана резиденција на Салвадор Дали, кој живеел таму до 1982 година. Потоа умрела неговата муза Елена Ивановна Диаконова, попозната како Гала, и тој се преселил во Кастел де Пубол.

Во 1930 година, Дали купил колиба за рибари, каде што работел четириесет години. Играјќи си со тесните премини, различните висини на подот и димензиите на просторот, тој создаде уникатно место на кое персоналност му дадоа куп предмети што му припаѓаа нему и на Гала. Бројни предмети и мебел се исложени како што Дали ги оставил: од часовните полжави на стаклената масичка за кафе до огледалото што го поставил така што зраците на изгрејсонцето го погодуваат неговото лице.

Прозорците во работната соба се позиционирани да го искористат максимумот од погледот кон морето и небото. Мирни тераси со маслинови дрвја, плишана мечка и скулптура на Христос направена од отпад се дел од глетките што можете да ги видите во поранешниот дом на големиот уметник, а можеби ќе ве забавуваат и гипсените јајца на ѕидовите, фалусниот базен и троседот во облик на усни. Во потрага по нова доза уметност,  Cadaqués нуди неверојатно убави зајдисонца, во кои најдобро се ужива на плажа.