Вратите од пеколот се отвараат во наредните 72 часа: Америка испраќа флота во Израел, летовите откажани, Иран одбива да разговара со посредници
Вашингтон очекува дека Иран би можел да го нападне Израел за време на викендот во знак на одмазда за атентатот на лидерот на Хамас, Исмаил Ханије, во неговата резиденција во Техеран!
Неименуван официјален претставник на Пентагон изјави за Си-Ен-Ен во четвртокот дека нападот би можел да се случи во рок од 72 часа, а постојат стравувања дека американските сили на Блискиот Исток, исто така, би можеле да бидат цел.
Авиокомпаниите масовно го избегнуваат иранскиот и либанскиот воздушен простор и ги откажуваат летовите кон Израел и Либан, бидејќи расте загриженоста за можен конфликт во регионот, наведува Ројтерс.
Техеран наводно отфрла разговори со посредници.
Американскиот претседател Џо Бајден рече дека убиството на лидерот на Хамас, Исмаил Ханије, нема да придонесе за напорите за прекин на огнот во војната на Израел со милитантната група во Појасот Газа.
Претходно, за време на разговорот со израелскиот премиер Бенјамин Нетанјаху, Бајден истакна дека Вашингтон е посветен да го брани Израел од сите закани од Иран. Двајцата лидери разговараа за распоредување на американската војска за заштита од можни напади со балистички ракети и беспилотни летала.
Засега не е познато како би можело да изгледа распоредувањето на американската армија.
Неколку официјални лица изјавија дека Пентагон разговарал за прилагодување на позицијата на американските сили во регионот со американската Централна команда, но до четврток попладне не била донесена конечна одлука.
Ударната група УСС Теодор Рузвелт која оперира во Оманскиот залив во последните неколку недели би можела да се пресели во Аденскиот Залив или Црвеното Море каде воените бродови на американската морнарица пресретнаа десетици проектили лансирани од Хутите во последните месеци.
Во моментов во Средоземното Море се наоѓа амфибискиот јуришен брод USS Wasp и уште неколку бродови на морнарицата. Групата вклучува поморска експедициска единица способна да ги евакуира американските граѓани од Либан доколку САД наредат таква евакуација.
Телефонскиот разговор на сојузничките лидери дојде кога израелската телевизија објави дека Израел работи на финализирање на координацијата на регионалната и меѓународната коалиција за да спречи потенцијален одговор на Иран-Хезболах на убиствата на лидерот на Хамас, Исмаил Ханије, и командантот на Хезболах Фуад Шукр.
ИД ја презеде одговорноста за убиството на Шукр, но Израел официјално не го коментираше убиството на Ханијe, за што Хамас и Иран и нивните сојузници ја обвинуваат еврејската држава.
Израелските одбранбени сили соопштија дека се во „висока готовност“ бидејќи се очекува одмазда за убиствата на командантот на Хезболах во Бејрут и лидерот на Хамас во Техеран. Портпаролот на ИД Даниел Хагари нагласи дека армијата знае како да се справи со секоја закана.
Лидерот на Хезболах Хасан Насрала изјави дека војната против Израел влезе во „нова фаза“ и дека Израел треба да очекува гнев и одмазда.
Лидерот на Хамас Исмаил Ханије, кој беше убиен во средата во Иран во напад за кој е обвинет Израел, беше погребан денеска во Катар каде што живееше во егзил.
